Rivaliteti mes Roger Federer dhe Rafael Nadal i kalon kufijtë e sportit të tenisit. Reali i Madridit klubi më i madh në botë dhe më fitues i të gjitha kohërave po mendon të organizojë një sfidë miqësore mes dy yjeve të tenisit botëror në stadiumin Santiago Bernabeu, një ndeshje në praninë e 80 mijë shikuesve që do të thyente me më shumë se dyfishin rekordin e spektatorëve që kanë parë nga afër një ndeshje tenisi. Ideja e Realit dhe presidentit të Los Blancos Florentino Perez është zbuluar nga mediat spanjolle. Deri tani ndeshja më e ndjekur në tenis është ajo mes Serena Ëilliams dhe Kim Clijsters që u zhvillua në vitin 2010 në Bruksel në praninë e 35 mijë e 681 tifozëve. Por presidenti i Realit Florentino Perez dëshiron ta dyfishojë atë shifër duke i bërë një dhuratë të bukur edhe spanjollit Rafa Nadal i cili është një tifoz i zjarrtë i Los Blancos.
