Presidenti i Tiranës Refik Halili akuzoi arbitrimin e Eldorian Hamitit, si shkaktar të humbjes së Tiranës sot, teksa në intervistën e dhënë për Supersport, nuk e fshehu indinjimin e tij për vendimet e tij.
“Është një humbje që na dhemb. E dija që do ishin të gjithë kundër. Arbitrimi shumë i dobët sot. Nuk dua të flas për ta, por ky arbitër është e disata herë që shkatërron klubin e Tiranës, në të gjithë mënyrat. Është turp për futbollin, me ato faulle që jep, të paqena. Ul ritmin e lojës, bën masakër në fushë. Kush të dojë, le ta mbajë, ta gjykojë, por kjo është masakër. Është e qëllimshme. E dija që do e kishim kundër në këtë ndeshje, sepse nuk duan që të ecim para si klub. Masakrën që bëri arbitri, uroj ta keni parë”, tha presidenti Halili.
