E ardhmja e Paco Alcacer duket larg Borussias së Dortmundit. Afrimi i Erling Braut Haaland dhe debutimi me 3 golësh i sulmuesit norvegjez i ka mbyllur dyert e Dortmundit, bomberit spanjoll i cili ka kërkesa në merkato. Ish-lojtari i Barcelonës pëlqehet nga dy klubet angleze Tottenham dhe Manchester United. Alcacer shikohet si zëvendësuesi ideal i Harry Kane te Spurs dhe Marcus Rashford te United me dy lojtarët që kanë pësuar dëmtime të rënda dhe do të mungojnë për disa muaj. Për Mourinhon dhe Solskjaer afrimi i Pacos do të ishte një vlerë e shtuar për sulmin e skuadrave të tyre.
