Thomas Partey pritet të qëndrojë tek Atletico Madridi. Ka qenë vetë mesfushori ganez i cili ka deklaruar se menaxheri i tij ka nisur bisedimet me drejtuesit e klubit për të rinovuar kontratën. 26-vjeçari, gjatë verës që kaloi, u përfol për një largim të mundshëm. Arsenali shfaqi interes për shërbimet e tij, por tashmë gjërat duket se kanë ndryshuar dhe mesfushori pritet të qëndrojë gjatë në “Wanda Metropolitano”. Partey ka një kontratë që skadon në vitin 2023, ndërkohë që prej vitit 2015 ai është pjesë e “Los Cholconeros”.
