Milani nuk ka ndërmend të privohet nga shërbimet e Hakan Calanoglu të paktën, deri në fund të këtij sezoni. Kuqezinjtë do të vazhdojnë të tentojnë rinovimin e kontratës por edhe nëse mesfushori përfundimisht vendos të mos pranojë nuk do e largojnë në janar për të përfituar disa miliona euro nga shitja e tij, por në verë me parametër zero. Kontrata e Calhanoglu përfundon më 30 qershor të vitit 2021 dhe pavarësisht zërave të merkatos sjellja e mesfushorit në fushë ka qenë për t’u vlerësuar. Manchester United është etiketuar si klubi favorit për të transferuar numrin 10 të Milanit, por në garë thuhet se janë edhe Juventusi e Atletico Madrid. Në këtë sezon mes kampionatit dhe Europa League, Calhanoglu ka zhvilluar në total 14 ndeshje duke shënuar dhe 5 gola.
