Gerhard Progni vendimtar për Gjilanin në suksesin minimal ndaj Feronikelit në javën e 28-të të Superligës së Kosovës. Sulmuesi 34-vjeçar realizoi golin e vetëm të takimit në minutën e 20-të pas ekzekutimit të saktë të një goditjeje të lirë.
Sulmuesi nga Bregi i Fildishtë, Razak Keita, kishte tri raste të tjera për ta thelluar rezultatin, një prej tyre nga pika e bardhë e penalltisë (35’), por ishte i pasaktë në konkludim.
Gjatë pjesës së dytë munguan rastet e pastra, me Gjilanin që u mjaftua me administrimin e epërsisë, për të siguruar fitoren e tretë në katër sfidat e fundit nën drejtimin e Ismet Munishit.
Fitore e thellë 4-1 e Ballkanit ndaj Besës së Pejës në sfidën e luajtur në Suharekë. Për ekipin e drejtuar nga Bledi Shkëmbi realizoi golin që zhbllokoi takimin Meriton Korenica, ndërsa për pejanët barazoi Andi Qorri. Arbër Hoxha humbi pe penallti për vendasit pa u mbyllur pjesa e parë, gjithsesi Ballkani shënoi tri herë pjesën e dytë me Korenicën, Gripshin dhe Prekazin. Me këtë sukses Ballkani barazon me 58 pikë Dritën kryesuese, që ka një ndeshje më shumë për të zhvilluar.
