Manchester United po përgatitet të përballet me Middlesbrough në raundin e katërt të FA Cup, por Mason Greenwood nuk do të luajë për klubin deri në një njoftim tjetër.
Arrestimi i sulmuesit nuk i ka shpërqendruar përgatitjet e Manchester United për ndeshjen e tyre në FA Cup kundër Middlesbrough, ka bërë me dije Ralf Rangnick.
20-vjeçari u arrestua të dielën nën dyshimin për përdhunim dhe sulm dhe u arrestua më tej të martën me dyshimin për kërcënime për vrasje dhe sulm seksual, pasi policia u njoftua për pretendimet e bëra nga një grua në mediat sociale.
Ai u lirua nga paraburgimi nga policia të mërkurën me kusht në pritje të hetimeve të mëtejshme dhe Manchester United përsëriti qëndrimin e tij se ai nuk do të marrë pjesë në asnjë seancë stërvitore apo lojë pa dalë vendimi përfundimtar nga drejtësia.
Çfarë është thënë?
Rangnick u përball me mediat për herë të parë që nga arrestimi i Greenwood përpara ndeshjes së tyre në raundin e katërt të FA Cup kundër Middlesbrough dhe ndërsa nuk foli në detaje për këtë çështje, ai komentoi se kjo nuk kishte ndikuar në planet e tyre stërvitore.
Trajneri gjerman tha: “Kemi pasur një javë të mirë normale stërvitore me pesë seanca stërvitore duke përfshirë të sotmen. Natyrisht që ishte një temë brenda ekipit, por ata janë të gjithë qenie njerëzore dhe Mason ishte pjesë e grupit përpara se të kishim pushimin tonë. Ishte një javë e mirë stërvitore, ne mund të stërviteshim në kushte normale dhe mezi presim ndeshjen e nesërme”.
[quiz-cat id=”297386″]