Cristiano Ronaldo dhe Harry Maguire raportohet se janë në “luftë për pushtet” për vendin e kapitenit të Manchester United.
Mediat angleze raportojnë se ish ylli i Juventusit dhe kapiteni aktual i United, Maguire janë “përfshirë në një luftë për pushtet”.
Më tej shtohet se Rangnick ka qenë i përfshirë në bisedime si me Ronaldon ashtu edhe me Maguire për të “hequr dorë nga shiriti i kapitenit për pjesën tjetër të sezonit”.
Maguire, i cili u nënshkrua për 80 milionë paund në vitin 2019, është kritikuar ashpër për pozicionin e tij si kapiten i United dhe për ecurinë e tij të dobët të formës.
Megjithatë, mbrojtësi 28-vjeçar i United nuk pranon të tërhiqet si kapiten për shkak të ‘frikës’ së humbjes së pozicionit të tij si kapiten i përhershëm i klubit.
Raportohet se Maguire ndihet ‘gjithnjë e më i dëmtuar’ nga prania e Ronaldos në dhomën e zhveshjes së United dhe ‘ndikimi i tij i madh’ te lojtarët më të rinj.
Rangnick, i cili do të largohet nga posti I trajnerit të përkohshëm në fund të sezonit, ka ngarkuar Ronaldon që të mentorojë lojtarët më të rinj në skuadrën e United.
Portugezi i dha fund mungesës së golave pas gjashtë ndeshjeve të para të 2022-shit, me fitoren 2-0 të United ndaj Brighton në “Old Trafford” të martën.
Megjithatë, pesë herë fituesi i Topit të Artë thuhet se është i pakënaqur me formën e United dhe është lidhur me një largim në verë nëse klubi dështon të arrijë katërshen e pare, pra në Champions League.
Ronaldo, i cili ka kontratë deri në vitin 2023-shin me “Djajtë e Kuq”, ka shënuar 15 gola në 27 paraqitje për United që nga vera, kur u rikthye te anglezët.