Fitorja me përmbysje ndaj Vllaznisë, në “Loro Boriçi”, i dha një bonus të madh Tiranës në garën e titullit kampion. Bardheblutë e fituan derbin e Shqipërisë falë golave të Ismajlgecit dhe Hotit. Pikërisht ky i fundit ka zhvilluar ndaj shkodranëve një nga ndeshjet e tij më të mira në Abissnet Superiore dhe me të drejtë statistikat e nxjerrin më të mirin e takimit.
Më këtë sfidë mjaft të luftuar, mesfushori nga Kosova ka qenë i saktë në 77% të pasimeve dhe ka mundur t’i driblojë kundërshtarët në tri nga katër tentativat. Ka mundur të realizojë me sukses pak më shumë se gjysmën e aksioneve si dhe ka fituar 8 nga 15 duelet defensive. Në total la mundur të rikuperojë 10 topa, 5 në fushën kundërshtare. Një futbollist që u shton bardhebluve muskuj dhe lartësi në mesfushë.
