Wayne Rooney dhe Cristiano Ronaldo dikur kanë qenë shokë skuadre te Manchester United, por mesa duket dyshja nuk ka kujtime aq pozitive nga ajo periudhë.
Të shtunën në Manchester është zhvilluar një darkë dhe legjenda e “Djajve të Kuq” nuk ka hezituar për të dhënë mendimin e tij për portugezin.
“Ronaldo ishte shumë i mirë në lojë, por dhe shumë i bezdisshëm njëkohësisht. Tashmë ndoshta nuk është aq i mirë, por me shumë mundësi është sërish po aq i bezdisshëm,”-tha ai për mediet angleze ndërsa pas mbërritjes te darka.
Gjë që nënkupton se Rooney nuk e ka harruar ende episodin e ndodhur në Botërorin 2006 ku ai mori një karton të kuq pas një aksioni të Ronaldos.
“Ai pëlqen të rrëzohet. Nuk kam pasur fare problem me Cristianon. Fola me të dhe i thash ‘Nuk e kam problem të më përjashtojnë’. Unë jam anglez ai është portugez, kur luajmë nuk më intereson aspak pasi ai nuk është partneri im. Ndërsa jashtë loje jemi thjesht shokë skuadre.”-kishte deklaruar Rooney në atë periudhë.
