Festë e madhe në Trigoria, qendrën stërvitore të Romës, ku prej orëve të para të mëngjesit, ka mbërritur edhe skuadra verdhekuqe, që mbrëmjen e djeshme triumfoi në edicionin e parë të Conference League.
Nicolo Zaniolo ishte heroi i takimit, pasi shënoi golin e vetëm në Tiranë, në finalen ndaj Feyenorrd, teksa pikërisht italiani është edhe personi më aktiv e entuziast në festën verdhekuqe në Romë.
Në një video të shpërndarë në rrjetet sociale, Zaniolo shfaqet me një birrë në dorë, i hipur në një Vespa, bashkë me përgatitësin atletik Stefano Rapetti, duke bërë xhiro nëpër ambientet e brendshme të Trigorias.
