Roma është vetëm një hap larg mbylljes së marrëveshjes me Nemanja Matic, mesfushori që do të transferohet te “verdhekuqtë” me parametra zero, pasi më 30 qershor i përfundon kontrata me Manchester United.
Pavarësisht se kanë mbetur më pak se një muaj nga skadimi i kontratës me “Djajtë e Kuq”, 33-vjeçari ka vendosur të largohet.
Serbi u bashkua me United në verën e 2017-ës, megjithatë këtë sezon nuk kaloi periudhën më të mirë të mundshme në karrierën e tij, pasi në 13 ndeshje në Premier League ka dhënë vetëm 4 asiste, teksa rrugën drejt rrjetës gjatë këtij edicioni nuk ia doli ta gjente.
