Fenerbahce fitoi 2-5 ndaj Istanbulsporit, duke zhvlerësuar dygolëshin e Jetmir Topallit për ekipin vendas. Skuadra nga Stambolli regjistroi triumfin e katërt radhazi dhe kryeson kampionatin turk me 26 pikë të grumbulluara në 11 javë kampionat.
Titulli i mungon Fenerbahces prej vitit 2014, teksa trajneri Jorge Jesus u bë protagonist negativ ndaj ekipit kundërshtar. Një nga lojtarët e Istanbulsporit u dëmtua në një moment, por ndryshe mendoi tekniku i famshëm portugez.
68-vjeçari u afrua tek lojtari kundërshtar, e goditi lehtë dhe e ftoi të ngrihej në këmbë, duke qenë i bindur se po simulonte, edhe pse pranë tij nxitoi stafi mjekësor i Istanbulsporit për ta ndihmuar. Video është kthyer virale në rrjetet sociale.
