“Duan t’ia japin kupën Messit”, akuza e rëndë vjen nga veterani i Portugalisë

I ashpër e ndoshta pa kuptim reagimi i mbrojtësit veteran të Portugalisë, Pepe, pas eliminimit nga Maroku, në çerekfinale të Botërorit. Sipas tij, është e papranueshme që takimi të gjykohej nga një argjentinas.

“Ishte e papranueshme që sot një arbitër argjentinas të gjykonte ndeshjen tonë pas asaj që ndodhi dje, me Messin që u ankua për arbitrimin. Pas asaj që pashë sot, duan t’ia japin Argjentinës titullin,” deklaroi Pepe, duke akuzuar rëndë FIFA-n për gjykimin e Facundo Tellos.