Mbrëmje për t’u harruar për Kylian Mbappénë. “Ylli” i Paris Saint-Germain humbi një 11-metërsh gjatë ndeshjes kundër Montpellier, që nuk ka shije të mirë të tifozët e skuadrës pariziene.
Goditja e parë e 24-vjeçarit u prit nga Lecomte, por u cilësua e parregullt pasi portieri kishte kaluar vijën e portës. Mirëpo as në gjuajtjen e dytë Mbappe nuk u tregua i saktë, madje me portën e boshatisur e dërgon topin shumë lart mbi tra.
Dhe si të mos mjaftonte ajo që ndodhi, sulmuesi francez u detyrua të linte fushën 10 minuta më vonë për arsye dëmtimi, duke u zëvendësuar nga Ekitike.
Në minutën e 35-të realizoi Messi, por ndërhyri sistemi VAR për pozicion jashtë loje. E njëjta gjë ndodhi edhe më Hakimin në minutën e 52-të, që gjeti rrjetën, por në mënyrë të parregullt.
Gjithsesi nuk do të vononin shumë golat për PSG-në. Në minutë e 55-të e zhbllokoi takimin spanjolli Fabian Ruiz.
Për të ardhur më pas te minuta e 72-të, kur Ruiz asistin për Messin, që nuk fal, duke thelluar epërsinë në 0-2.
Montpellier ngushtoi diferencën në minutën e 89-ë me Nordin (1-2).
Gjithsesi, sapo nisi shtesa Parisi realizoi golin e rezultatit përfundimtar 3-1.
