Mjaft i kënaqur për lojën dhe fitoren e marrë në Lushnjë, ishte edhe trajneri vlonjat i Laçit, Gentian Mezani, që gjithsesi i bën thirrje ekipit për të qendruar me këmbë në tokë.
“Morëm 3 pikët në transfertë dhe jam shumë i lumtur, por duhet të qendrojmë me këmbë në tokë, sepse na presin edhe shumë ndeshje të tjera. Më pëlqeu performance e Rexhinaldos, jo vetëm ëpr dy golat. Ai është një sulmues i shkëlqyer, që kur të arrijë formën optimale do të japë akoma më shumë për ekipin”, tha Mezani.
Trajneri i Laçit vlerësoi grupin që ka në dispozicion, por veçanërisht veçoi punën mjaft të mirë nga paraardhësi i tij, Stavri Nica.
“Gjeta një ekip të stërvitur mjaft mirë nga paraardhësi im, Stavri Nica dhe çuna me dëshirë e të gatshëm për t’u sakrifikuar dhe marrë rezultate. Idetë e mija janë përthithur më shpejt nga ekipi dhe po shohim rezultatet në fushë”, tha vlonjati.
