Reali i Madridit nuk ngopet dhe nuk dorëzohet kurrë. “Los Blancos” vuajtën në “Etihad”, por dolën të pamposhtur nga dueli që zgjati 120 minuta. Dhe më pas djemtë e Carlo Ancelottit u treguan më të saktë te penalltitë, duke eliminuar Manchester Cityn, kampionët në fuqi.
Një kualifikim drithërues në gjysmëfinale (hera e 17-të) për rekordmenët e Championsit, që do të përballen me Bayern Munich. Ancelotti vlerësoi sakrificën e lojtarëve të tij në deklaratën pas kualifikimit, ku ndër të tjera tha:
“Rezultat i madh, i marrë me sakrifica të shumta. Ishim shumë mirë në aspektin mbrojtës, nuk kishim mënyrë tjetër për të luajtur këtu.
Lexo edhe:
- McKennie romancë me motrën e futbollistit të Interit, zbulohen provat
- Eliminimi nga Champions, Gundogan kundër shokut të skuadrës: Na penalizoi të gjithëve!
- “Ishte i kuq”, sinqeriteti i gjermanit, Ter Stegen kundër Xavit
- U ndërpre prej alarmit “Ndicka”, Liga vendos për ndeshjen Udinese-Roma
Tentuam t’u bllokonim hapësirat Cityt, pasi De Bruyne dhe Bernardo Silva mund të na shkaktonin probleme. Nuk ishte e thjeshtë të mbroheshim për 120 minuta”, theksoi italiani.
Në fund një koment për bisedën me Guardiolën në fund të ndeshjes dhe Bayern Munich, pengesa e fundit për mbërritur në finalen e madhe të Wembleyt (1 qershor).
”Pepi më komplimentoi dhe më uroi fat për në vazhdim. Vitin e kaluar ishte radha e tyra, tani është radha jonë. Ata janë një skuadër e madhe.
Nuk ishte e lehtë të kualifikoheshim këtu. Tani na presin dy gjysmëfinale interesante ndaj Bayernit”, theksoi Ancelotti.
