Arbitrat janë një pjesë e rëndësishme e botës së futbollit, me kontributin e tyre të çmuar përmes vendimeve të tyre në fushën e blertë. FSHF ka akorduar në Mbrëmjen Gala në TKOB edhe çmimin për “Arbitrin më të mirë të vitit 2023”.
Tre emrat e përzgjedhur si finalistë përmes votimit ishin Juxhin Xhaja, Eldorian Hamiti e Enea Jorgji. Për të dhënë këtë çmim të rëndësishëm, moderatorët e këtij spektakli, Arjola Shehu dhe Arben Derhemi ftuan në skenë ish-gjyqtarin e njohur Plarent Kotherja, i cili zbuloi emrin e fituesit.
Jorgji, i cili ka qenë një nga arbitrat që ka bërë paraqitje më të mirë këtë sezon në kampionatin shqiptar dhe jo vetëm, pasi mori vlerësimin si “Arbitri i Vitit 2023” u shpreh:
Lexo edhe:
- Shorti i pafat për italianet, “buzëqesh” City, PSG dhe Real Madrid
- Super Zhegrova, vlerësohet me notën më të lartë në Lille-PSG
- Mourinho: I kërkoj ndjesë Renato Sanchezit, nëse largohem, nuk do të jetë faji im
- Shorti/ Milan “peshkon” një skuadër franceze, Laçi sfidon gjigantët turq
“Ky çmim nuk vlen vetëm për punën që kam bërë unë. Bashkë me mua kanë qenë edhe Denis Rexha dhe Ridigers Çokaj, kanë bërë një punë fantastike dhe kanë qenë mbështjeta ime më e madhe. Kam patur edhe Florian Latën si arbitër të katërt. Ai është arbitri i katërt i FIFA-s për vitin që vjen. Një sukses i madh që nuk do vinte pa mbështetjen e presidentit dhe sekretarit të FSHF-së.
Këtë çmim dua t’ua dedikoj personave që më kanë këshilluar dhe qëndruar pranë, por edhe atyre që më kanë kritikuar. Ky çmim është arsyeja pse jam sot këtu, dhe pse po bëj më mirë. Do të bëj më mirë”.
