“Australian Open 2023” kthehet në normalitet pas problemeve të dy edicioneve të fundit për shkak të pandemisë. Tenistët jo vetëm që nuk do të duhet të bëjnë teste për COVID-19, por do të mund të luajnë edhe nëse janë infektuar me Koronavirus.
“Ne thjesht donim të ndiqnim protokollet që janë aktualisht në fuqi në komunitetin tonë. Kemi shkuar një hap më tej, duke bërë një rekomandim për të qëndruar të distancuar kur tenistët janë të sëmurë. Ua kemi bërë të qartë lojtarëve tanë, si dhe stafit tonë, se nëse dikush nuk ndihet mirë, duhet të qëndrojë në shtëpi”, – tha drejtori i turneut, Craig Tiley.
“Është një mjedis i normalizuar për ne, kështu që potencialisht do të ketë lojtarë që luajnë me Covid-19,” – vijoi Tiley.
Ai gjithashtu njoftoi se Novak Djokovic do të luajë me Nick Kyrgios në një ndeshje ekzibicioni në “Rod Laver Arena”, të premten mbrëma, para fillimit të “Australian Open”.
