Më datë 15 mars, Real Madrid pret në Santiago Bernabeu Liverpoolin në kuadër të Champions League. Madrilenët triumfuan në ndeshjen e fazës së parë të 1/8-tave me rezultatin 2-5 duke hedhur një hap të sigurt drejt çerekfinaleve.
Megjithatë, në kampin e Los Blancos janë të shqetësuar në lidhje me Karim Benzema. Sulmuesi francez ndjen shqetësime në kavilje dhe mungoi në stërvitjen e fundit, ashtu siç pritet të mungojë edhe në atë pasardhësen. Ky sezon ka rezultuar paksa me ulje e ngritje për Benzema sa i takon aspektit fizik duke qenë se ka munguar në total në 13 ndeshje të Realit, duke lënë mënjanë edhe faktin se prej dëmtimit mungoi në Botëror me Francën.
Lexo edhe:
- Evra “injoron” Messin: Nuk ka etikën e punës së Ronaldos, mund të kishte edhe 15 Topa të Artë
- 11 fëmijë me nëntë gra të ndryshme, ish-“ylli” i NBA-së përfundon në burg
- U eliminua nga Milani, Richarlison sulmon Conten
- Italia me halle në sulm, Mancini e gjen zgjidhjen në Argjentinë
Gjithsesi, te Reali shpresojnë që ta kenë të gatshëm Benzema për sfidën me The Reds, ndërsa nuk ka shpresë për takimin e fundjavës në kampionat ndaj Espanyol.
