Paris Saint Germain nis të mbushë arkat në pritje të merkatos verore. Real Betis ka derdhur plot 25 milionë euro në arkat e klubit parizien pasi ka ushtruar të drejtën për të blerë përfundimisht kartonin e mesfushorit argjentinas Giovani Lo Celso i cili luante i huazuar gjatë këtij sezoni te skuadra andaluziane.3 milionë euro i ka kushtuar huazimi klubit spanjoll ndërsa 22 milionë euro blerja përfundimtare. 23-vjeçari i cili grumbullohet edhe në përfaqësuesen albiceleste i ka bindur drejtuesit e Betis me paraqitjet e tij gjatë këtij sezoni, me klubin bardhëjeshil që pasditen e sotme ka zyrtarizuar blerjen përfundimtare të kartonit të tij, me Lo Celson që ka firmosur një kontratë të re deri në vitin 2023 me një klauzolë largimi prej 100 milionë eurosh. 23-vjeçari argjentinas ka shkëlqyer në këtë sezon me Betis duke bërë edhe rolin e goleadorit pasi ka realizuar 15 gola në të gjitha kompeticionet.
