Brighton mori fitoren e thellë 6-0 ndaj ekipit të Wolves, në një takim që e dominoi të gjithin.
Vendasit zhbllokuan sfidën në minutën e 6’ me Undav, ndërsa Gross do të gjente rrugën drejt rrjetës dy herë në minutat 13’ dhe 26’.
Lexo edhe:
- “Dëmtimi ishte traumatik, mamaja dhe babai u shokuan”, Broja: Ndjehesha i parëndësishëm
- “Njerëzit flasin kot”, Klopp i kundërpërgjigjet kritikëve: Nuk do të jenë kurrë të lumtur!
- VIDEO/ Gol para finales së Kupës, Muçi protagonist në Poloni: Jam gati dhe në formë!
- Arsenal përgatit një mini-revolucion, edhe Xhaka në listën e lojtarëve me “valixhe” në dorë
Në minutën e 39’ Welbeck bëri “poker” për Brighton, duke e mbyllur pjesën e parë me rezultatin 4-0.
Më pas po ai do të realizonte në minutën e 48’, duke shënuar golin e dytë personal dhe të pestin për ekipin, ndërsa rezultati u vulos nga Undav që shënoi golin e gjashtë për skuadrën e “pulëbardhave”, duke mos u lënë mundësi reagimi “ujqërve”.
Pas raundit të 34-të të Premier League, Brighton ngjitet në vend të tetë me 52 pikë, një më pak se Liverpool i vendit të shtatë dhe që korrespondon me pjesëmarrjen në Conference League. Teksa Wolves renditen në vend të 13-të me 37 pikë.
Brentford mori fitoren minimale 2-1 ndaj Nottingham Forest.
Ishin miqtë ata që gjetën të parët rrugë drejt rrjetës, duke realizuar në minutën e 45+1’ me Danilo. Ndërsa vetëm në minutën e 82’ vendasit mundën që të gjenin barazimin me Toney.
Ndërsa në minutën e 90+4’ Da Silva përmbysi rezultatin dhe I dhuroi tre pikët ekipit të tij.
Pas raundit të 34-të Brentford renditet në vend të nëntë me 50 pikë, teksa Nottingham Forest në vend të 17-të me 30 pikë.
