Zërat e fundit që vijnë nga Shtetet e Bashkuara nëpërmjet Forbes, kuqezinjtë po vlerësojnë për të angazhuar në fund të sezonit Antonio Conten si trajnerin e ri të skuadrës.
Kjo edhe pse sponsorizohet nga Zlatan Ibrahimovic, i cili ka kuptuar nevojën e një shkundjeje të fortë të ambientit. Edhe për faktin se 54-vjeçari është i vetmi trajner me peshë i lirë në qarkullim.
Apo i vetmi që mund të jetë i përshtatshëm për një skuadër që ka nevojë për një tjetër hap rritjeje pas viteve të para me Stefano Piolin. Tekniku aktual do të mbetet deri në fund të sezonit, sigurisht nëse nuk merr rezultate shumë të këqija.
Lexo edhe:
- “Guximtar dhe i saktë”, Gjimshiti fenomenal: “Fiku” Jovic dhe Giroud
- “Më ka mbetur edhe një vit jetë”, ish-trajneri bën deklaratën tronditëse
- Egnatia godet në merkato, firmos me sulmuesin e talentuar kostarikan
- Ka luajtur me Shqipërinë dhe Kosovën, merr detyrën e re te Prishtina
Me objektivin minimal për të siguruar një ndër katër vendet e vlefshme për kualifikimin në Champions League. Ose me objektivin maksimal për të fituar Europa League. Me titullin që për momentin është i ndarë mes Interit dhe Juventusit. Por kuqezinjtë janë aty, gati për të përfituar nga gabimet e dy ekipeve sipër tyre.
Të gjithë këtë faktorë që mund të kushtëzojnë edhe sesionin aktual të merkatos. Milani, që dukej se do të blinte një qendërsulmues, do të rishohë këtë temë në qershor. Kur me trajnerin e ri të ndërtojë skuadrën për sezonin e ardhshëm.
Merkatoja është e rëndësishme, pasi Conte mund të bëjë kërkesa të konsiderueshme. Një detaj ky që e step disi Milanin, që e di se do të mund të marrë teknikun vetëm nëse do të jetë i aftë të plotësojë disa nga kërkesat e tij.