Mathijs De Ligt është padyshim mbrojtësi më i shtrenjtë i Juventusit dhe po luan sezonin e tretë me fanellën bardhezi, ku duket se e ka gjetur veten dhe ka fituar vendin e titullarit në fushë.
Fillimi ishte mjaft i vështirë për holandezin, që erdhi nga Ajax, por vuajti jo pak përshtatjen në futbollin italian, teksa në një deklaratë është shprehur se ka mbetur i habitur edhe nga mentaliteti në Itali.
“Kur isha te Ajax, po të mos fitonim të paktën 2-0 ndaj skuadrave që ishin poshtë vendit të 10, mërziteshim. Këtu në Itali më bëri përshtypje, pasi bëhej festë nëse fitoje 1-0 ndaj vendit të fundit në klasifikim. Më dukej e vështirë, por kuptova se ajo që këtu ka rëndësi, është marrja e fitores”, rrëfen De Ligt.
