Lajm i keq për kombëtaren italiane dhe Interin. Në stërvitjen e pasdites, në Coverciano, Alessandro Bastoni braktisi seancën. Arsyeja është tendosja muskulore në pulpën e djathtë: më shumë detaje do të zbulohen nesër, kur ish-lojtari i Atalantës do të kryejë testet instrumentale.
Është e qartë se edhe Interi mbetet i shqetësuar për gjendjen e mbrojtësit: pas pauzës, vjen ndeshja me Juventusin, shumë e rëndësishme për “Scudetton”.
Prania e tij në “Olimpico”, të premten në mbrëmje, kundër Maqedonisë së Veriut, sigurisht që nuk mund të përjashtohet: Bastoni ishte provuar si titullar në një mbrojtje me 4 lojtarë, të gjithë zikaltër, e formuar nga Acerbi, Darmian dhe Dimarco, por tani në vend të Bastonit mund të luajë Gatti i Juventusit.
Lexo edhe:
- Trajneri i Moldavisë: Shqipëria është surpriza e grupit, por do i përgjigjemi me agresivitet
- VIDEO/ “Kombi përfaqësohet me zemër”, Sylvinho: Gjithmonë besoni te lojtarët
- Julen Guerrero: Mourinho është i mirë me lojtarët e rinj, djali im do marrë eksperiencë te Roma
- Grushti ndaj Baenas, Valverde: Nuk jam penduar, mbrojtja familjen
Një tjetër lajm i keq për Simone Inzaghin vjen nga Turqia: media vendase raporton se Hakan Calhanoglu ka munguar në stërvitjen e fundit të kombëtares për shkak të një infeksioni respirator.
Kombëtarja turke, e drejtuar nga Vincenzo Montella, do të zbresë në fushë më 18 nëntor në miqësoren kundër Gjermanisë dhe më pas, në datën 21, do të luajë ndeshjen e fundit eliminatore për Euro 2024, kundër Uellsit.
