Bayerni i Mynihut ka gjetur trajnerin e ri. Lajmi i bujshëm vjen nga e përditshmja gjermane “Bild”, e cila raporton se në stolin e klubit gjigant bavarez do të ulet i mirënjohuri Zinedine Zidane.
51-vjeçari francez është i papunë që prej 2021-shit, kur u largua nga Reali i Madridit dhe duket se ka pranuar ofertën e bavarezëve për të marrë drejtimin e skuadrës që nga vera e këtij viti.
Klubi i Bayernit dhe vetë Zidane nuk kanë dhënë asnjë konfirmim, teksa vetë francezi ka lënë të kuptohet se në sezonin e ri do të rikthehet të drejtojë, por pa dhënë më shumë detaje.
Lexo edhe:
- ELITE SHOW/ 9-shi kuqezi në Euro 2024, Ylli Aga: Dy janë emrat favoritë
- ELITE SHOW/ Rivaliteti i madh në sulmin e Kombëtares, rrëfehet Hamdi Salihi
- VIDEO/ Dybala “show”, Roma nuk u shqitet Bolognës dhe Atalantës
- Zyrtare/ “I kemi besuar dirigjencën e simfonisë tonë”, Ballkani dhe Ilir Daja rinovojnë kontratën deri në 2026-ën
Zinedine Zidane pati një karrierë të shkëlqyer si futbollist te Franca, por edhe te Juventus e Real Madrid, teksa pikërisht me spanjollët numëron edhe dy eksperienca si trajner.
E para ka qenë fantastike, pasi ka fituar tre herë radhazi Ligën e Kampionëve, në periudhën 2016-2018, ndërsa eksperienca tjetër 2019-2021 u mbyll pa lënë gjurmë.
