Një lajm nga Napoli sjell gëzim në Kosovë. Klubi ku luan Elseid Hysaj njoftoi këtë të shtunë se Elif Elmas ka rezultuar pozitiv me COVID-19 pas Zielinskit. Futbollistëve të ekipit të Gattusos do t’u merren tamponët edhe të dielën në mëngjes, teksa përgjigjet do të jepen para supersfidës përballë Juventusit në “Allianz Stadium”.
Kuptohet që si Zielinski ashtu edhe Elmas nuk do të jenë në dispozicion të Gattusos, por në Kosovë e kanë të lehtë të bëjnë llogari: 21-vjeçari i përfaqësueses së Maqedonisë duhet të zbatojë protokollin, duke qëndruar në izolim, derisa të dalë negativ disa herë, çka do të thotë se nuk mund të grumbullohet për gjysmëfinalen e Ligës D të Nations League, përballë Kosovës, që do të zhvillohet në Shkup, më 8 tetor.
Challandes dhe të besuarit e tij mund të “fërkojnë duart”, mungesa e Elmas është armë e fortë minus për kundërshtarin e dardanëve.
