Pas barazimit me Nottingham Forest, Manchester City u rikthye te rruga e fitores në Premier League teksa mposhti në transfertë me rezultatin 1-4 Bournemouth. Një sukses që la tejet të kënaqur trajnerin Pep Guardiola, i cili pas sfidës pati elozhe për Phil Foden dhe Erling Haaland. Tekniku spanjoll ndër të tjera shtoi se atmosfera në dhomat e zhveshjes te The Citizens është e shkëlqyer dhe se në grup nuk ka asnjë problem apo hatërmbetje.
“Unë jam shumë i lumtur nga ajo që shoh çdo ditë tek lojtarët e mi, atmosfera në dhomat e zhveshjes është e shkëlqyer. Seancat stërvitore shkojnë në një mënyrë shumë pozitive dhe të gjithë e ndihmojnë njëri-tjetrin.
Lexo edhe:
- “Nuk më njihnin as në qytetin tim”, mesfushori: Messi shkëlqen edhe në Angli, jam i mërzitshëm
- “Tallet me kundërshtarët”/ Super Mehmeti në Championship, të martën live në SuperSport
- VIDEO/ Muriqi realizon një perlë të vërtetë, por Mallorca ngec ndaj Espanyol
Kohët e fundit ka qenë pak e vështirë sepse kemi luajtur shumë ndeshje në transfertë. Nuk kemi pasur mundësi për t’u rikuperuar, në mes ishin udhëtimet dhe ndeshje çdo tre ditë. Është një stërmundim nga ana fizike, në të njëjtën kohë ka shumë presion.
Ndeshja me Bournemouth më la përshtypjen se lojtarët ende duan ta fitojnë Premier League, nuk kam dyshime se do të luftojmë deri në fund. Impakti i Haaland në skuadër ka qenë i jashtëzakonshëm, ne e duam shumë atë. Po na ndihmon në çdo ndeshje, është një rrezik konstant për kundërshtarët.
Foden? Ne kemi nevojë për Foden. Më pëlqen shumë etika e tij në punë, pastaj golat dhe asistet e tij janë gjithnjë shumë të nevojshme për Cityn. Pak nga pa kai do të rikthehet në formën e tij më të mirë”, u shpreh Guardiola.
