Matias Soule është një nga surprizat e këtij sezoni në Serie A. 20-vjeçari italo-argjentinas u huazua nga Juventusi te Frosinone, dhe po bën mjaft mirë me skuadrën e rikthyer në elitën e futbollit italian.
Sulmuesi i djathtë numëron 5 gola dhe një asist me Frosinonen. Performancat pozitive nuk i kanë shpëtuar syrit të Luciano Spallettit, i cili është gati ta bëjë pjesë të kombëtares së kaltër.
Por Soule, i cili shpreson të vijojë me performancat fantastike te Frosinone për t’u rikthyer sezonin e ardhshëm te Juventusi, preferon Argjentinën, vendlindjen e tij.
-
Lexo edhe:
- Ndryshon organizimi i “Topit të Artë”, ndërhyn edhe UEFA! Shtohen dy çmime të reja
- Air Albania në kapacitet maksimal, biletat mbarojnë për punë orësh
- Katër orë në sallën e operacionit, Neymar kryen një nga ndërhyrjet më të vështira
- Ish-lojtari i Barcelonës habit me deklaratën: Messi nuk është një shembull i mirë
“Kam biseduar me Spallettin, i thashë të vërtetën, që ndihesha argjentinas. E falënderova sepse më donte tek Italia. Më pas fola edhe me Walter Samuel (pjesë e stafit teknik të kampionëve të botës).
Ai më tha se isha pjesë e listës paraprake. Unë jam duke pritur Argjentinën, nuk e di nëse do të arrijë ftesa tani apo më vonë, por unë jam argjentinas.
Kam lindur atje dhe zemra ime më thotë gjithmonë Argjentinë”, u shpreh Matias Soule, një nga lojtarët më të rëndësishëm tek ekipi i Di Francescos.