Gjest human i përfaqësueses angleze të futbollit. Në rast triumfi në finalen e Euro 2020 këtë të dielë në mbrëmje ndaj Italisë, futbollistët e tre luanëve kanë vendosur të japin për bamirësi premion që do t’iu japë Federata Angleze e Futbollit për triumfin në Europian. Bonusi prej 9,4 milionë sterlinash do të dhurohet i gjithi për njerëzit në nevojë. Në rast fitoreje sonte, për Federatën Angleze të Futbollit UEFA jep një bonus prej 10 milion eurosh, ndërkohë që rreth 20 milion i ka arkëtuar deri më tani me kualifikimin në finale.
