Pas një starti shumë negativ në Serie B, Sampdoria e trajnerit Andrea Pirlo ka nisur ta “marrë veten” dhe ndaj Modenës regjistroi suksesin e dytë radhazi. Dorianët triumfuan në transfertë me shifrat 0-2 teksa një prej golave e shënoi lojtari me origjinë shqiptare, Pajtim Kasami.
Për mesfushorin ishte goli i parë me fanellën e Sampdorias dhe sigurisht lumturia e 31-vjeçarit pas ndeshjes nuk mund të fshihej. Kasami theksoi se skuadra është në ngjitje, ashtu siç edhe ai tashmë ndjehet më mirë dhe në formë.
Lexo edhe:
- Tragjedi në futbollin shqiptar, Dwamena ndërron jetë në moshën 28-vjeçare
- “As kartoni i verdhë nuk e ndali”, trajneri i Legias vlerëson ish-mesfushorin e Tiranës: Më lumturoi!
- U rrëzua për të mos u ngritur më, fundi i hidhur i goleadorit dhe kapitenit Dwamena
- “Duhet kujdes me Brojën”, Sylvinho: Për mua nuk ka rëndësi nëse një lojtar luan në Kore apo Shqipëri
“Goli është gjithmonë një kënaqësi, hera e parë është gjithmonë e bukur. U zhbllokova më në fund pasi në ndeshjet e kaluara nuk kam mundur t’i shfrytëzoj rastet. Më në fund goli erdhi, aq më tepër që edhe skuadra fitoi. Fitore e rëndësishme për ambientin dhe frymën e grupit. Tani ndjehem më mirë dhe e di që mund të bëj më shumë, falë fitoreve shtohet besimi. Jemi Sampdoria dhe pak nga pak po shkojmë aty ku na takon”, u shpreh Kasami.
