Pas fitores 2-0 me Bayernin e Mynihut, Juventusi nuk arriti të përsërisë të njëjtin sukses në sfidën e dytë të vlefshme për International Champions Cup.
Bardhezinjtë u ndalën në barazim 1-1 përballë Benficës, gjatë 90 minutave të lojës, në një sfidë ku portugezët ishin qartësisht më përpara me përgatitjet parasezonale.
Të dy golat u shënuan na pjesën e dytë, ku fillimisht ishte Benfica që kaloi në avantazh, në minutën e 66’ me anë të Grimaldo dhe më pas Juventusi barazoi me anë të të riut Clemenza në minutën e 84-t.
Gjithsesi rregullat e kompeticionit janë që duhet të ketë patjetër një fitues dhe të dy skuadrat iu drejtuan 11-metërshave, nga ku bardhezinjtë triumfuan me rezultatin 4-2.
Ndeshja e radhës e Juventusit në këtë kompeticion është më 5 gusht, përballë Realit të Madridit, ndërsa Benfica do të përballet me Lyonin më 1 Gusht.