Reagime të forta kundër UEFA-s, që ia dha çmimin “Futbollisti më të Mirë të Vitit” kroatit Luka Modric. Pas Cristiano Ronaldos, që në momentin e fundit, anuloi udhëtimin drejt Monacos, ku do të hidhej shorti i Championsit, pasi u njoftua se ai nuk do të ishte fituesi, shfryn edhe motra e CR7, Katia Aveiro. Në mënyrë ironike, ajo ka postuar një tabelë me statistikat e vëllait të saj dhe të mesfushorit kroat në sezonin e kaluar të Championsit, shoqëruar dhe me një mesazh:
“Gjithçka është e qartë! Secili mund të nxjerrë përfundime”.
Të dy lojtarët krah më krah: ndeshjet e luajtura, golat, asistet, të gjitha janë në favor të Ronaldos, por që nuk mjaftuan që ai ta fitonte këtë çmim.