Eugenio Corini është trajneri i radhës që shkarkohet nga klubet e Serisë A. Brescia, nëpërmjet një komunikate për shtyp ka zyrtarizuar largimin e 49-vjeçarit për shkak të rezultateve të dobëta:
“Brechia komunikon se ka shkarkuar Eugenio Corinin nga detyra e trajnerit të skuadrës së parë. Shoqëria falënderon mister Corinin dhe stafin e tij për profesionalizmin, dedikimin që kanë treguar.”
Brescia është përfshirë në një krizë të thellë rezultatesh në 7 ndeshjet e fundit, teksa ka regjistruar 5 humbje dhe 2 barazime. Aktualisht “Dallëndyshet” renditen në vendin e parafundit me 15 pikë, aq sa ka grumbulluar SPAL-i që mbyll klasifikimin.
Vendin e Corinit e merr Diego Lopez, i cili do të zbresë në fushë në seancën stërvitore të ditës së sotme gjatë pasdites.
