Drejtuesit e Brightonit kanë rinovuar kontratën me një nga futbollistët më të mirë të skuadrës që vazhdon të surprizojë në Premier League me futbollin e bukur dhe të veçantë.
Kaoru Mitoma ka firmosur kontratën e re që do e mbajë pjesë të klubit ishullor deri në verën e vitit 2027. 3 mln euro pagoi Brighton për kartonin e lojtarit japonez.
Lexo edhe:
- Adli: Besoni tek unë sepse gjithmonë do të jap më të mirën për Milanin
- U deklarua pro Palestinës, Bayern përjashton Mazraoui-n nga stërvitja
- “Futbolli nuk më mungon”, Hazard: Nuk isha i lumtur as në stërvitje
- Trajneri i Guler nuk përmbahet: Ka më shumë potencial se Messi!
3 gola dhe 4 asiste numëron sulmuesi i majtë gjatë këtij sezoni me skuadrën e Roberto De Zerbit. Trajneri italian nuk e fshehu gëzimin në lidhje me këtë rinovim.
“Lajm i shkëlqyer për të gjithë ne, sidomos për tifozët. Mitoma është një nga lojtarët tanë më të mirë”, u shpreh De Zerbi.
Mitoma u kërkua me ngulm nga Liverpool dhe Manchester United gjatë merkatos verore, por ai vendosi të vijonte aventurën te Brighton.
Qyteti ka një klimë të mirë, deti është afër, kështu që është një vend vërtet i mirë për të jetuar. Më pëlqen të jetoj këtu.
Tifozët na mbështetin si në shtëpi ashtu edhe në takimet jashtë fushe. Nuk ka më bukur se kaq”, deklaronte lojtari aziatik.
