Roma regjistroi fitoren e tretë radhazi në Serie A. Verdhekuqtë vuajtën për të marrë maksimumin në “Olimpico” përballë Monzës, kundërshtar që luajti me dhjetë lojtarë pas daljes me të kuq të D’Ambrosios (41’).
El Shaarawy realizoi golin e vetëm të sfidës në minutën e fundit, duke dërguar në festë shokët e skuadrës dhe tifozët e zjarrtë të Romës. Në fund pati karton të kuq edhe për Jose Mourinhon.
Lexoni edhe:
- VIDEO/ Çudia vjen nga kampionati çek, 14 gola në një ndeshje!
- U zhduk dy javë dhe i trembi të gjithë, Roback: Jam shumë keq, vuaj nga depresioni
- Mbrëmje magjike në SuperSport, e diela kulmon me Milan-Juventus
- I mjaftojnë tri minuta, Makhachev gjakos Volkanovskin dhe fiton titull me rekord!
Pasi vlerësoi skuadrën kundërshtare duke theksuar se Monza nuk e meritonte humbjen, “Special One” u ndal edhe te Romelu Lukaku. Sulmuesi belg që po shënon dhe po rikthehet ndeshje pas ndeshje në formën e tij më të mirë.
“Lukaku ka shënuar gjithmonë, golat janë pjesë e natyrës së tij. Ne nuk jemi një skuadër shumë e shpejtë, dhe ai i jep lojës tonë shumë thellësi.
Ai nuk është më fëmija që njoha te Chelsea. Lukaku ka një stabilitet të madh psikologjik dhe na jep shumë personalitet”, theksoi trajneri portugez i Romës.
Deri në këtë fazë të sezonit, sulmuesi 30-vjeçar ka realizuar 7 gola me skuadrën kryeqytetase mes Serie A dhe Europa League.
