Marc Marquez u shpall kampion për herë të 4-t në Moto GP, edhe pse në garën e sotme përfundoi në vendin e 3-të. Piloti spanjoll u rivalizua denjësisht nga italiani i Ducatit, Andrea Dovizioso, i cili u dorëzua vetëm 10 xhiro nga përfundimi i garës së fundit, teksa rrëshqiti dhe doli jashtë pistës.
Gjithsesi, Marquez tregon mes emocionesh, se kishte pak frikë në garën e sotme, ndërsa në fund komplimenton edhe kundërshtarët e tij, për rivalitetin e fortë sportiv.
“Të them të drejtën kisha pak frikë, sepse mendoja më të keqen, që mund të rrëshqisja dhe të dilja nga pista. Për një moment gabova dhe frenova me vonesë, por për fat të mirë ia dola të mbaj kontrollin e motorit dhe të përfundoj garën. Komplimente gjithsesi, për Dovizioson dhe Ducatin, që ishin vërtetë rivalë mjaft të fortë dhe ma zbukuruan edhe më tepër këtë titull”, tha Marquez menjëherë sapo fitoi titullin kampion në Moto GP.