Shtohet një tjetër qendërmbrojtës te Roma e Jose Mourinhos. Dean Huijsen është prezantuar zyrtarisht në klubin kryeqytetas, ku u transferua në huazim nga Juventusi, skuadër që disponon edhe kartonin e tij.
Futbollisti 19-vjeçar ishte pranë Frosinones, por në fund zgjodhi Romën, teksa në prezantim u shpreh i bindur se ka marrë vendimin e duhur dhe deklaroi se është gati të japë kontributin e tij.
“Kam mbetur menjëherë i impresionuar nga pritja që më është bërë. Vij në një skuadër të madhe, me një trajner të madh dhe futbollistë kampionë. Shpresoj që së bashkua t’ia dalim të realizojmë objektivat e klubit”, u shpreh mbrojtësi që do të mbajë veshur fanellën me numrin tre.
Lexo edhe:
- VIDEO/ Ndeshje spektakolare në “San Siro”, Inter bën detyrën ndaj Verona-s
- Futbolli brazilian dhe ai botëror në zi, ndahet nga jeta “Zotëria” i Kupës së Botës
- Timo Werner pranë rikthimit në Premier League, Tottenham arrin akordin RB Leipzig
- Gattuso kujton përballjen me Barçën e Guardiolës: Nuk e kuptuam se çfarë ndodhi në fushë!
Ndërkohë nuk kanë munguar polemikat edhe nga ana e Frosinones, teksa drejtori sportiv, Guido Angelozzi akuzoi holandezin dhe stafin e menaxherëve të tij për mungesë profesionalizmi.
“Huijsen u ofrua për të luajtur me Frosinonen. Që nga nisja e negociatave, na kanë kërkuar një mijë gjëra dhe ua kemi plotësuar. Bëri edhe një bisedë me trajnerin, por kur kishim rënë dakord për gjithçka, në mënyrë aspak profesionale, vendosi të ndryshojë drejtim”, u shpreh drejtuesi i Frosinones.
