Rafael Nadal shkon dhe ia del në limite në turneun e Madridit teksa spanjolli mposhti me shifrat 2-1, Cachin. Ajo që habiti të pranishmit dhe opinionit, ishte fakti që 37-vjeçari duroi për më shumë se tre orë në një moment që fiziku i tij ende nuk është në maksimum.
Nadal, e nisi ndeshjen në mënyrë të shkëlqyer duke fituar setin e parë me imponim, 6-1. Por, në të dytin, vuajti jashtë mase dhe ishte një set që zgjati për një orë e 27 minuta dhe që u fitua nga tenisti argjentinas në “tie-break” 6-7.
Lexo edhe:
- 5 gola dhe 3 asiste, paraqitje e shkëlqyer e “kuqezinjve” në kampionatet e tyre
- Cannavaro: E kishim studiuar mirë Bolognën, tani të mposhtim Napolin
- De Rossi: Ndaj Napoli-t nuk ishte ndeshja që donim, të mbledhim forcat të enjten kemi tjetër sfidë!
- Fonseca: E ardhmja te Milan? Jam totalisht i fokusuar te puna që duhet bërë këtu
Megjithatë, Nadal riktheu edhe njëherë një nga ato performancat e kohëve të arta dhe ia doli të fitojë ndeshje në setin e tretë të cilin e mbylli me rezultatin 6-3. Kështu, edhe pse pa shumë pretendime në këtë turne, Nadal mbërrin deri në 1/8-tat e turneut të Madridit dhe në raundin pasardhës do të përballet me çekun Lehecka, numrin 31 të botës, një emër me të cilin tenisti nga Mallorca nuk është përballur kurrë më parë.
