President i Napolit, Aurelio De Laurantiis, ka njoftuar blerjen e parë të merkatos së verës, edhe pse sezoni nuk është mbyllur.
“Blerja e parë e verës do të jetë Kvicha Kvaratskhelia”.
Bëhet fjalë për një futbollist gjeorgjian, që luan me Dinamo Batumin në formë huazimi nga skuadra ruse, Rubin Kazan.
De Laurentiis e zbuloi këtë lëvizje gjatë një prononcimi në radion e njohur “Kiss Kiss”, ku foli edhe për momentin delikat që po kalon skuadra napolitanë pas humbjes së fundit me Empolin.
“U kërkojmë falje tifozëve për humbjen e shëmtuar ndaj Empolit,” – tha De Laurentiis, që më pas komentoi situatën e Dries Mertens, kontrata e të cilit me Napolin përfundon në qershor.
“Kam qenë në shtëpinë e tij dhe kemi lënë një takim në fund të sezonit. Por ai dashuron Napolin.”
