Myrto Uzuni ishte në fushë përgjatë 90 minutave në sfidën e Granadës në transfertë ndaj Las Palmas. Sulmuesi nuk mundi të shfaqej vendimtar në këtë ndeshje dhe skuadra e tij humbi me shifrat 1-0. Megjithatë, trajneri i Granadës, Paco Lopez zbuloi në deklaratat pas ndeshjes së Uzuni kishte luajtur duke pasur një shqetësim i cili nuk e lejonte 28-vjeçarin të ishte në formën maksimale.
Lexo edhe:
- “Jemi tifozë të Interit”, Shpendi debuton si titullar kundër skuadrës së zemrës
- VIDEO/ Klasikja e Holandës zgjat vetëm 56 minuta, tifozët e Ajaxit ndërpresin ndeshjen
- Qetësi “vrastare” para portës, Muçi gati të vendosë rekordin te Legia
- Broja rikthehet në fushë, por Chelsea nuk del nga kriza, Liverpooli nuk i ndahet City-t
“Gjatë javës së kaluar, Uzuni pati një shqetësim të vogël në kuadriceps. Megjithatë, ai kishte ndjesi pozitive dhe testet nuk treguan një dëmtim të mirëfilltë ndaj vendosëm që të ishte pjesë e ndeshjes ndaj Las Palmas”, u shpreh Lopez.
Granada e Uzunit nuk e ka nisur në mënyrën më të mirë të mundshme këtë sezon të LaLiga-s dhe pas gjashtë javëve të para ka mundur të grumbullojë vetëm tre pikë ndërsa sa i takon sulmuesit të kombëtares, ai e ka gjetur rrugën e rrjetës në dy raste.
