Endrick Felipe Moreira de Sousa, i datëlindjes 2006 është xhevahiri më i fundit që po rritet në Brazil ndërsa përgatitet për të emigruar në Europë, për të ndjekur gjurmët e shumë patriotëve të tij që kanë shkëlqyer në Kontinentin e Vjetër. Endrick, është pjesë e Palmeiras dhe në një kompeticion për të rinjtë ka shkëlyqer duke dërguar ekipin e tij te suksesi.
Ndërkaq, statistikat e Endrick janë të frikshme duke marrë parasysh se ka thyer të gjithë rekordet në kampionatet e moshave pasi ka realizuar 168 gola në 170 ndeshje. Sigurisht, klubeve më të mëdha të Europës nuk kishte si t’iu shpëtonte një talent i tillë teksa Real Madrid, Barcelona apo Bayern Munich cilësohen favorite për shërbimet e tij.
Për sulmuesin e talentuar ka folur edhe një legjendë braziliane si Ze Roberto i cili thekson se Endrick prej moshës 11-vjeçare luan me Palmeiras ndërsa gjithnjë ka bërë diferencën, ndërsa shprehet se në Brazil cilësohet si Adriano i ri.
Në të kaluarën, Endrick është shprehur se një ditë do të bëhej futbollist dhe do të shpëtonte nga të gjitha problemet, e mesa duket kjo ditë ka ardhur pasi shumë shpejt Endrick mund të jetë duke përfaqësuar fanellën e një prej klubeve më të rëndësishëm në Europë.
[quiz-cat id=”288388″]