Fitojnë Llapi, Ballkani dhe Gjilani në kampionatin e futbollit të Kosovës. Llapi arriti një fitore të madhe 2-3 në transfertë kundër Malishevës.
Ky ishte suksesi i tretë radhazi për djemtë e Tahir Batatinës, të cilët ndajnë vendin e parë bashkë me Ballkanin. Por kampionët kanë luajtur një takim më pak.
Aldrit Oshafi shënoi në pjesën e parë, duke kaluar vendasit në avantazh. Malisheva e nisi mirë edhe fraksionin e dytë, duke gjetur golin me Etnik Brrutin.
Llapi nuk u dorëzua dhe pasi shkurtoi rezultatin me anë të Muhamet Hysenit, përmbysi gjithçka në fund falë realizimeve të Ahmed Januzi dhe golit të dytë personal të Hysenit.
Lexo edhe:
- “Pa Sylvinhon nuk do isha pjesë e Shqipërisë”, Asani për “Elite Show”: Ndaj Çekisë ndeshja e jetës
- Rrëfimi i Muçit për “Elite Show”/ Nga merkato, te kombëtarja dhe… Tirana
- E BUJSHME! Armand Duka zgjidhet zëvendëspresident i UEFA-s!
- HISTORIKE/ Euro 2025 do të organizohet në Shqipëri
- “Një regjizor i bukur dhe i pastër”, ja nota e Ramadanit pas ndeshjes me Juventusin
I cili nuk gaboi nga pika e bardhë, duke i dhuruar skuadrës nga Podujeva tri pikë të arta. Ballkani fitoi 0-2 në Fushë Kosovë.
Kampionët e Ilir Dajës zgjidhën gjithçka në 45 minutat e para. Fraksion ku Bleart Tolaj dhe kapiteni Edvin Kuç shënuan për skuadrën nga Theranda.
Një penallti nderoi Gjilanin kundër Lirisë së Prizrenit. Kroati Edi Basa u tregua i saktë nga pika e 11 metrave, gol që i mjaftoi Gjilanit të siguronte pikët maksimale.