Shkëndija e Tetovës hedh një tjetër hap të rëndësishëm drejt titullit kampion në Ligën e Parë të Maqedonisë. Kuqezinjtë mposhtën thellë 3-0 Pobedan në stadiumin e Tetovës dhe e thellojnë në 14 pikë diferencën me Vardarin e vendit të dytë, që luan këtë të dielë me Sileksin. Skuadra e Qatip Osmanit nuk i la agjë rastësisë, duke i dhënë drejtimin e duhur ndeshjes që në minutën e 10-të me golin e Radeskit. Në minutën e 36-të, Izair Emini, ish-sulmuesi i Kukësit në Kategorinë Superiore, realizoi golin e epërsisë së dyfishtë, ndërsa në fillim të pjesës së dytë Musliu shënoi të tretin, që mbylli praktikisht llogaritë me Pobedan. Nesër në orën 14:00 luhen katër sfidat e mbetura të javës së 22-të:
Akademija Pandev – Renova
Pelister – Skopje
Shkupi – Rabotnicki
Vardar – Sileks
