Carlo Ancelotti po bën të pamundurën për të bindur Toni Kroos të rinovojë. Mesfushori gjerman ndodhet në vitin e fundit të kontratës me Realin e Madridit, ekip ku luan prej verës së vitit 2014.
33-vjeçari e ka nisur sezonin me bindjen që do të jetë i fundit me “Los Blancos”, por tekniku italian po tenton t’i ndryshojë mendjen. Njësoj po veprojnë edhe shokët e skuadrës, të cilët shpresojnë që Kroos të qëndrojë.
AS shkruan se gjermani është thelbësor për skemat taktike të Ancelottit, dhe ky i fundit ia përsërit në mënyrë sistematike që të rinovojë me presidentin Perez me një tjetër vit.
Lexo edhe:
- VIDEO/ S’kanë fund çudirat në Turqi, presidenti tërheq skuadrën nga fusha
- Arsyet e refuzimit të Superligës nga Bayerni: Klubet spanjolle synonin dëmtimin e Premier League-s
- VIDEO/ Momenti kur roja e sigurisë nuk e lejon të hyjë në sallën e shortit të Championsit legjendën e Interit
- E verteta e hidhur e Neymarit, humb eventin madhor të verës
Një ndër mesfushorët më të mirë të epokës së vet, vijon të jetë në formë pavarësisht se vitet kalojnë. Dhe Ancelotti insiston që Kroos të vijojë të paktën deri në verën e vitit 2025.
Në mënyrë që të vazhdojë të ndihmojë skuadrën dhe të lumturojë tifozët në “Santiago Bernabeu” me futbollin e tij mjeshtëror. Kroos ka fituar 19 trofe deri tani me Realin, mes të cilave katër herë Champions League.
