Lajm i keq për trajnerin Carlo Ancelotti në prag të ndeshjes së Champions League me Napolin.
“Los Blancos” kanë zbritur në fushë paraditen e kësaj të marte për të zhvilluar seancën e fundit stërvitore para ndeshjes me Napolin.
Lexo edhe:
- VIDEO/ Nuk do penallti të pamerituar, Ronaldo ndalon arbitrin
- Verstappen: Mbyllëm një sezon perfekt, dyshoj se mund ta përsëritim
- Stuttgart shuan shpresat e Milan: Do bëjmë gjithçka për të mbajtur Guirassy-n
- Nga kampionati, në Champions, Pioli me formacion të detyruar ndaj Dortmundit
Sipas raportimeve të medieve italiane, përveç lojtarëve me dëmtime afatgjate si Courtois, Militao, Vinicius, Tchouameni, Camavinga dhe Guler, grupit i kanë munguar në stërvitje edhe Luka Modric me Kepa Arrizabalaga.
Si mesfushori kroat ashtu edhe portieri spanjoll ishin në dyshim për ndeshjen kundër Napolit, por të dy kanë punuar veçmas dhe për këtë arsye nuk do të jenë pjesë e sfidës së Champions League.
Në mes të një emergjence, Ancelotti u desh të merrte nëntë lojtarë nga ekipi i dytë i Real-it dhe emrat që janë bashkuar në stërvitje me skuadrën e parë janë: Fran, Canizares, Pineiro, Asencio, Peter, Theo, Gonzalo, Mario Martín dhe Hugo.
