Jo vetëm Lautaro Martinez, Interi po tenton të rinovojë edhe me Nicolo Barellan, një nga lojtarët më të rëndësishëm të nënkampionëve të Europës.
GDS thekson se mesfushori italian u kërkua nga Manchester City në ditët e fundit të merkatos verore. Por refuzoi kalimin nën urdhrat e Pep Guardiolës.
27-vjeçari është shumë i lidhur me zikaltrit dhe ndihet për mrekulli tek ekipi i Simone Inzaghit. Gjatë këtij edicioni numëron 2 gola dhe 5 asiste në Serie A.
Lexo edhe:
- Shqipëria luan ndaj Kilit, zyrtarizohet vendi dhe ora e takimit
- “Më ka ngelur peng se nuk e përshëndeta”, trajneri i Legias: Muçin nuk e shisja as për 20 milionë!
- Miqësorja e Shqipërisë me Suedinë, FSHF konfirmon orën kur do luhet ndeshja
- PSG i rikthehet “fiksimit” të vjetër, nisin kontaktet me Manchester City
Shtypi italian shkruan se rinovimi është afër. Barella përfiton rreth 6 mln euro në sezon duke përfshirë edhe bonuset.
Nga marrëveshja e re, që pritet të zgjatë deri në verën e vitit 2029, ai do të futë në xhep rreth 7 mln euro në sezon.
Të dy palët e duan këtë rinovim dhe në vijim pritet të arrihet marrëveshja finale mes drejtuesve të Interit dhe menaxherit të lojtarit.
