Autori i golit të parë, Rrahmani foli për “SuperSport” pas sfidës ndaj Larne dhe u shpreh shumë i lumtur për këtë sukses dhe tregoi se beson te faza e grupeve të UEFA Conference League.
Ndeshja? Ishte një ndeshje shumë e mirë për ne, e dominuam kundërshtarin dhe kjo tregon se kemi një karakter shumë të fortë. Sonte gjetëm ritmin e duhur dhe ne besojmë dhe duam përsëri të shkojmë në fazën e grupeve.
Lexo edhe:
- Portieri ‘gafaxhi’ largohet nga Interi, gati firma në Premier League
- Përshtypjet e para mbi Arsenalin, mbrojtësi zbulon fjalët e Declan Rice
- Gjoka shtyn rikthimin në Superiore, refuzon ofertën e Erzenit
- Ishte duke u stërvitur, djali i LeBron James pëson arrest kardiak
Ndeshja e kthimit? Natyrisht në transfertë nuk do të jetë e njëjta atmosferë. Por, nuk duhet të mendojmë për këto, pasi ne shkojmë me tre gola epërsi dhe me ndeshjen që treguam sonte përse të mos fitojmë edhe atje.
Faza e grupeve? Patjetër që ne e kemi potencialin për të shkuar në fazën e grupeve. Tashmë ne kemi eksperiencën e duhur, skuadra është përforcuar më shumë dhe mendoj se i kemi komponentët për të përsëritur historinë.