Andrea Pirlo dhe Masimiliano Allegri nuk arritën t’i gjejnë një vend titullari te Juventus, megjithatë Dejan Kulusevski rilindi në Londër, ku u transferua në huazim me të drejtë blerjeje te Tottenhami i Antonio Contes.
Sulmuesi anësor suedez ia ka dalë të shënojë tre gola dhe të asistojë 6 të tjerë në 9 ndeshjet e para me fanellën e “gjelave” të Londrës, duke u shndërruar në një element kyç të lojës së skuadrës dhe titullar i padiskutueshëm.
Me paraqitjen dhe shifrat e tij, Kulusevski i ka bindur të gjithë në Londër dhe Tottenham duket se ka vendosur të ushtrojë menjëherë të drejtën e blerjes së kartonit të tij për shifrën e 35 milionë eurove.
Këto para pritet të kalojnë në arkat e Juventusit brenda fundit të majit, me bardhezinjtë që do të provojnë të investojnë në të tjera reparte, për të kompletuar organikën për sezonin e ardhshëm.
