Lucas Hernandez mbetet një lojtar tepër i kërkuar në merkato. Ditët e fundit të saj ishte Real Madrid që kërkoi të paguante klauzolën prej 80 milionë eurosh të mbrojtësit por ai preferoi të qëndronte te Atletico Madrid. Tani është Manchester United që ka rikthyer vëmendjen te kampioni francez dhe që në janar Djajtë e Kuq do të tentojnë të paguajnë klauzolën 80 milionë euro për t’i dhënë Mourinhos përforcimin e duhur për repartin e prapavijës. Hernandez rinovoi në qershorin e kaluar kontratën me “Los Colchoneros” por tani drejtuesit duhet të bëjnë një tjetër rinovim deri në 2025-ën duke ja rritur klauzolën në 150 milionë euro.
